"Манчестер Юнайтед" клуби "Реал" ҳужумчиси Криштиану Роналдуга жамоага қайтишни таклиф қилди, дея хабар беради Metro.
Манба футбол агенти Франсуа Гальярдонинг сўзларини келтирмоқда:
"Чоршанба куни Алекс Фергюсон қўнғироқ қилиб, "МЮ"га қайтиш масаласини муҳокама қилган. Бу трансфернинг амалга ошиши Роналдунинг агенти Жорже Мендешга боғлиқ".
Эслатиб ўтамиз, аввалроқ Роналду "МЮ"га қайтишни истаётганини маълум қилган эди. Шунингдек, у ўзини "Реал"да бахтли ҳис қилмаётгани ҳақида хабарлар тарқалган эди.
Кеча "МЮ"нинг бир гуруҳ ишқибозлари акция ўтказдилар. Акция натижасида "Реал"нинг "Вильярреал" билан учрашувида стадион устидан Роналдунинг Манчестерга қайтишига ундовчи баннер осилган самолёт учиб ўтган эди.