"Барселона" клуби ҳимоячиси Жереми Матье жамоадоши Месси ўзи тасаввур қилганидек футболчи эмаслигини айтиб ўтди.
"Месси - нафақат яхши жамоадош, балки яхши дўст ҳамдир. Барселонага келмасимдан олдин уни димоғдор, ўзидан паст савиядаги футболчилар билан гаплашмайдиган футболчи деб тасаввур қилар эдим. Аммо, Каталонияга келган илк кунимдаёқ ундай эмаслигига амин бўлдим", - дейди Матье.
"Жамоангда бундай футболчи ва яхши дўст бўлиши ажойиб. Месси ҳозир аввалгидек кўп гол урмаяпти, шундай бўлса ҳам у жамоа учун энг фойдали ўйинчи бўлиб қолаверади. Чунки унинг жамоадаги ўрни жуда муҳим", - дейди франциялик ҳимоячи.