Мадриднинг “Реал” клуби ярим ҳимоячиси Сами Хедира тез орада сафга қайтади, дея хабар бермоқда Goal.com. Бу ҳақда жамоа устози Карло Анчелотти эртага бўлиб ўтадиган “Атлетик Бильбао”га қарши баҳс олдидан ўтказилган матбуот анжуманида айтиб ўтди.
"Хедира биз кутгандан кўра тез оёққа турмоқда. Бу бизни хурсанд қилмай қўймайди, албатта. Шифокорларнинг айтишича, Сами икки ҳафтадан сўнг бемалол майдонга тушиши мумкин бўлади", - деди Анчелотти.
Биласиз, Сами Хедира “Реал Сосьедад”га қарши кечган беллашувда тиззасидан оғир жароҳат олганди ва операция қилинганди. Шифокорлар, дастлаб, унинг ноябрдагина майдонга қайтиши мумкинлигини таъкидлашганди. Лекин футболчи кутилганидан анча тез оёққа турмоқда.
