Германия терма жамоаси ҳамда Мадриднинг "Реал" клуби ярим ҳимоячиси Тони Кроос замонвий футболда футболчилар ҳаддан зиёд кўп юкламаларга эга бўлаётганини таъкидлади.
"Тақвим жуда тиғиз ва оғир. Айниқса терма жамоада тўп сурадиган футболчилар учун. Улар шундоқ ҳам ўз клубларида анча кўп учрашувларда майдонга тушишади", - дейди германиялик футболчи.
"Мавсум давомида футболчилар ҳар уч кунда майдонга тушадилар. Қолаверса, у ердан бу ерга узоқ йўл босиб ўтишади. Футболчи робот эмас. Менимча футболчиларга тикланиш учун кўпроқ вақт берилиши керак.", - дейди Кроос.