Мадриднинг «Реал» клуби «Валенсия»га қарши муҳим ўйин олдидан бир қатор асосий футболчиларидан айрилди.
Ла Лиганинг 23-тури доирасидаги якшанба кунги баҳсни дисквалификация қилинган Винисиус Жуниор, шунингдек, жароҳат олган Жуж Беллингем ва Родриго ўтказиб юборади. «Madrid Universal» нашрининг маълумотларига кўра, бу Килиан Мбаппе «қаймоқранглилар» сафида юқорида қайд этилган уч нафар ўйинчисиз майдонга тушадиган илк ҳолатдир. Бунгача франциялик ҳужумчига ҳар доим улардан камида биттаси ҳамроҳлик қилиб келаётган эди.
Мбаппе 2024 йилнинг ёзида эркин агент сифатида «ПСЖ»дан «Реал»га ўтган эди. Жорий мавсумда ҳужумчи 30 та ўйинда майдонга тушиб, 37 та гол урди ва бешта голли узатмани амалга оширди.
