«Челси» клуби ярим ҳимоячиси Энцо Фернандес фаолиятини Мадриднинг «Реал» клубида давом эттириш ниятида.
Якшанба куни нуфузли манбалар «кўклар»нинг чап қанот ҳимоячиси Марк Кукурелья тез орада «қироллик клуби»га ўтиши ҳақида хабар берган эди. Таниқли инсайдер Бен Жейкобснинг маълумотларига кўра, Фернандес ҳам айнан шу йўналиш бўйлаб ҳаракатланишни режалаштирмоқда. Аргентиналик футболчи «қаймоқранглилар» сафига қўшилиш истаги борлигини очиқчасига эълон қилган. «Челси» раҳбарияти ушбу сотув вариантини кўриб чиқишга тайёр, бироқ ярим ҳимоячи учун жуда катта маблағ — 120 миллион фунт стерлинг (тахминан 140 миллион евро) талаб қилмоқда.
«Реал» эса ҳозирча айнан қандай услубдаги ярим ҳимоячи сотиб олиш борасида якуний қарорга келмаган, аммо Энцо Фернандесни асосий номзодлардан бири сифатида кўрмоқда.
