«Барселона» клуби «Борнмут»нинг французлик марказий ҳужумчиси Эл Жуниор Крупининг ҳаракатларини диққат билан кузатиб бормоқда. Бу ҳақда Diario SPORT нашри хабар бермоқда.

Манбанинг таъкидлашича, «кўк-анорранглилар» Крупини Мадриднинг «Атлетико» клуби форварди Хулиан Альваресга ажойиб муқобил сифатида кўришмоқда. «Барселона»нинг спорт раҳбарияти «Борнмут»нинг ёш ҳужумчиси кўрсатаётган ўйиндан ҳайратда қолган ва унинг ривожланишини синчковлик билан кузатмоқда. Бироқ инглиз клуби футболчига қизиқиш билдираётган жамоаларга Крупи бўйича 100 миллион евродан кам бўлган таклифларни умуман кўриб чиқмаслигини маълум қилган.

Қайд этилишича, ёш форвардга «ПСЖ» ва Лондоннинг «Арсенал» клублари томонидан ҳам жиддий қизиқишлар мавжуд.

Ортда қолган 2025/26 йилги мавсумда Крупи барча мусобақаларда жами 35 та ўйинда майдонга тушиб, рақиблар дарвозасига 13 та гол уришга муваффақ бўлган.