Японияга қарши ўртоқлик ўйинида покер қайд этиб, терма жамоадаги голлари сонини 40тага етказиб олган Неймар, ўз рекорди ҳақида гапириб берди.
"Бундай натижага эришаман деб орзу ҳам қилмаган эдим. Терма жамоа сафида бундай натижага эришиш шараф, мен бахтлиман", - дейди ҳужумчи.
"Мен бу ҳақда ўйлашим билан ҳаяжонга бериламан. Бу ёқимли. Мен ўз олдимга фақат голлар уришни ва бу билан терма жамоамга, шерикларимга ёрдам беришни мақсад қилиб қўйганман. Пеленинг рекордини янгилар ҳақида ўйлаётганим йўқ. Мен олдимга бундай вазифа қўймаганман", - дейди Неймар.
Эслатиб ўтамиз, Бразилия терма жамоаси сафида гол уриш бўйича рекорд афсонавий Пелега тегишли. Унинг ҳисобида 77та гол бор. Неймардан олдинги ўринларда эса, Зико (48та гол), Ромарио (55та гол), ва Роналдо (62та гол)бормоқда.













