«Манчестер Юнайтед» бош мураббийи Луи ван Гал ўз жамоасининг ушбу мавсумдаги иштироки борасида фикрларини билдириб ўтди.

«Чемпионлар лигаси йўлланмасини қўлга киритиш «Манчестер Юнайтед» футболчилари учун асосий мотивация ҳисобланади. Улар 2013 йилнинг ноябрь ойидан бери яхши натижа қайд эта олишмаяпти. Мен футболчиларга ҳамиша бир гапни такрорлаб келаман, мусобақа жадвали ҳеч қачон алдамайди. Фақат ушбу мавсумдаги жадвал нотўғри.

Мен футболчиларга «Сандерленд» ва «Бёрнли» билан дуранг ўйнадик, «Лестер» ва «Суонси»га ютқаздик, деб айтаман. Биз тахминан 12-ўринни эгаллаб турган бўлишимиз керак, энг яхши ҳолатда — 8-ўринни.

АПЛнинг 8-туридан кейин кўп нарса ўзгариши мумкин: «Манчестер Юнайтед» жадвалда юқорига кўтарилиши ҳам, пастлаши ҳам мумкин. Кимдир жамоасини ўзи истаган жойда кўрмаслиги, кимдир истеъфога чиқиши мумкин, лекин мен эмас», — дейди ван Гал.