"Бавария" бош мураббийи Хосеп Гвардиола аёл ҳакам Бабиана Штайнхаусга тегингани учун жазоланиши мумкин.
Воқеа бундеслиганинг 9-турида "Боруссия" (М)га қарши учрашувнинг қўшиб берилган дақиқаларида содир бўлди. Мутахассис захирадаги ҳакам Штайнхаусдан рақиб ўйинчиси жароҳати учун кетган бир дақиқа вақтнинг ўрнини тўлдириш учун яна бир дақиқа қўшишни сўради.
Штайнхаус бунга рад жавобини берди ва Гвардиола унинг қўлини қисиб қўйди. Бир неча муддатдан сўнг Гвардиола Штайнхауснинг елкасига қўлини қўймоқчи бўлди ва ҳакам бунга йўл қўймади.
Эслатиб ўтамиз, Бундеслига қоидаларига кўра, мураббийларнинг расмий шахсларга тегиниши ман қилинган.
