ФИФА президенти Йозеф Блаттер ЖЧ-2014нинг энг яхши футболчисига аталган "Олтин тўп"нинг Аргентина терма жамоаси ҳужумчиси Лионель Мессига берилиши борасида ўз фикрларини билдириб ўтди.

«Ушбу масала билан шуғулланган ташкилий қўмитанинг қарорини олганимда бироз ҳайрон бўлдим. Ўйлайманки, ушбу қарор хато эди.

Экспертларнинг таъкидлашича, улар фақат финал учрашувида иштирок этган 10 нафар футболчининг номзодини кўздан кечиришган», – дейди Блаттер.

Эслатиб ўтамиз, Аргентина терма жамоаси ЖЧ финалида Германияга ютқазган (0:1). Месси эса турнирда 7та ўйинда майдонга тушиб, 4та гол урди ва битта голга муаллифлик қилди.