Қатар спорт вазири Салоҳ бин Ғаним Носир ал-Али ЖЧ-2022 пайтида алкоголь моддалар ва бир жинсли никоҳга мойиллиги бор мухлислар масаласини қандай ҳал қилиш борасида ўз фикрларини билдириб ўтди. Қатарда алкоголь маҳсулотларни тарқатиш ва истеъмол қилиш тақиқланган. Худди шунингдек, бир хил жинсдаги инсонларнинг алоқаси эса ундан ҳам кескинроқ тақиққа эга.
"Биз меҳмонхона ва бошқа жойларда алкоголь сотамиз. Лекин мамлакатимизда ўзига хос тизим мавжуд бўлиб, уни ҳурмат қилишлари керак.
Биз ЖЧ-2022 учун кураш олиб борган эканмиз, демак ФИФА қоидалари ва талабларини ҳурмат қиламиз. Биз уларни ўрганиб чиқамиз ҳамда халқимиз ва анъаналаримизга таъсирини минималлаштиришга ҳаракат қиламиз. Ўйлайманки, масалага ижодий ёндашиш орқали муаммоларни ҳал қиламиз.
Гейлар? Бу ҳам ўша алкоголь билан боғлиқ вазиятга ўхшаш. Биз ўз қадриятларимиз ҳақида қайғурмаётгандек тасаввур уйғотишни истамаймиз. Барча масалалар ўрганилади. Биз масалага ижодий ёндаша оласиз. Мухлислар келиб футболдан мароқ олишларини истаймиз, шу билан бирга улар бизнинг маданиятимизга таъсир кўрсатмасликлари керак. Ўйлайманки, кўп нарсанинг ечимини топа оламиз", - дейди Ал-Али.
