"Интер"нинг янги бош мураббийи Роберто Манчини ўзининг милан клубига қайтишини кутилмаган ҳол деб атади.

49 ёшли мутахассис клубни етакчи жамоалар сафига қайтаришга тайёр эканлигини билдирди. Унинг қўл остида "Интер" уч марта Италия чемпиони бўлган.

"Мен жуда мамнунман. Тўғрисини айтсам, "Интер"га қайтаман деб ўйламаган эдим. Ҳаммаси жуда тез ва кутилмаганда содир бўлди. Таркибга келсак, бир қатор ўйинчилар билан таниш эмасман. Энг муҳими - ғайрат ва кўзлардаги олов. менга бу лойиҳа қди ва мен унга ишонаман. Бўлмаса, келмаган бўлар эдим. Аммо менда сеҳрли таёқча йўқ, шунинг учун етакчилар аторига меҳнатимиз билан қайтамиз", - дейди Манчини.