Испания матбуотида "Реал"нинг эрталабки машғулоти пайтида олинган видео тарқалди. Тахминларга кўра, жамоа бош мураббийи Альваро Арбелоа ва ҳужумчи Винисиус Жуниор футболчиларнинг кеч қолиши учун белгиланадиган жарималар масаласини муҳокама қилган. Журналистлар тарқатган хабарга ишонганда, мураббий ва футболчи ўртасида қуйидаги мулоқот бўлиб ўтган:
Винисиус: "Мен учун жарима яхшироқ".
Арбелоа: "Сен жамоа сардорисан. Сен қолганларни жаримага тортасан".
Маълумки, Винисиус Жуниор "Реал" сардорлари гуруҳига киради. Жамоанинг асосий капитани эса Дани Карвахаль ҳисобланади.
