Германия чемпионатининг 12-тури доирасида "Боруссия" клуби "Падерборн" билан дуранг ўйнади (2:2). Ўйиннинг 46-дақиқасида дортмундликлар етакчиси Марко Ройс гол уришга муваффақ бўлди, бироқ орадан 20 дақиқа ўтиб, жароҳат туфайли майдонни тарк этди.
Шифокорларнинг дастлабки ташхисига кўра, футболчининг болдир суяги билан товон суягини бириктирувчи бўғин жароҳатланган. Агар ушбу ташхис ўз тасдиғини топса, футболчи учун мавсум муддатидан аввал якунига етади. У мавсум охиригача бошқа майдонга туша олмайди.
Марко Ройс жароҳат боис ЖЧда иштирок эта олмаганди ва ушбу мавсумда ҳам унинг тўла куч билан ҳаракатланишига жароҳатлар халал бераётганди. Ройснинг трансферини кўпгина топ-клублар қўлга киритишни исташаётган эди.
