"Штутгарт" клуби Германия чемпионатидаги навбаттдаги мағлубият сабабли бош мураббий Армин Фе истеъфога чиқарилди.
Штутгартликлар Бундеслиганинг 12-турида ўз майдонида "Аугсбург"га 0:1 ҳисобида имкониятни бой берди. "Штутгарт" ҳозирги кунда 9 очко билан сўнгги, 18-ўринни эгаллаб турибди.
"Ушбу қарорни қабул қилиш мен учун қийин бўлди, сабаби "Штутгарт" менинг юрагимда. Охир оқибат истеъфога чиқишга тўғри келди, ўйлайманки, бу тўғри қарор бўлди", - дея Армин Фенинг сўзларидан иқтибос келтирмоқда "Штутгарт" расмий сайти.
