ОК-2015 гуруҳ босқичидаги рақиб - Саудия Арабистони терма жамоаси Форс Кўрфази Кубоги финалида Қатар терма жамоасига мағлуб бўлди.
Айнан Саудия Арабистони мезбонлик қилган ушбу турнир финалида Хуан Рамон Лопес бош мураббийлигидаги саудияликлар Қатар терма жамоасига қарши майдонга тушишди. Учрашувда Саудия Арабистони футболчилари ҳисобни очганларига қарамай, якунда Қатар терма жамоаси иккита гол киритди ва Форс Кўрфази Кубоги ғолибига айланди.
Эслатиб ўтамиз, Ўзбекистон миллий терма жамоаси ОК-2015 гуруҳ босқичида Саудия Арабистони, Хитой ва КХДР терма жамоаларига қарши баҳс олиб боради.
Форс Кўрфази Кубоги. Финал. 26 ноябрь
САУДИЯ АРАБИСТОНИ – ҚАТАР 1:2
Голлар: Сауд Харири 16 - Ал Маҳди Муҳтор 18, Буалем Кхуки 58.
