Эдсон Арантес ду Насименту, бошқача айтганда Пеленинг соғлиги яхшиланмоқда, аммо у реанимация бўлимида қолмоқда, бу ҳақда Сан-Паулудаги Альберт Эйнштейн клиникаси матбуот марказига таяниб "Рейтер" агентлиги хабар бермоқда.

74 ёшли футбол фахрийси душанба куни шифохонага ётқизилди. Пайшанба куни Пеленинг матбуот котиби Хосе Родригес унинг реанимация бўлимига ўтказилганини инкор қилган эди. Шунингдек Пеле ўз Твиттери орқали ўзини яхши ҳис қилаётгани ва келгуси йилга режалар тузаётгани ҳақида маълум қилган эди.

Аммо кейинроқ SporTV афсонавий футболчининг аҳволи оғирлашгани ва Пеленинг организми антибиоткиларни қабул қилмаётгани ҳақида хабар тарқатди.

Аммо энди клиника матбуот маркази Пеленинг аҳволи яхшилигини айтмоқда.