ФИФА ижроқўми 2018 йилда Россия мезбонлик қиладиган футбол бўйича Жаҳон чемпионатининг ўтказилиш кунларини тасдиқлади. Россиядаги жаҳон биринчилиги 2018 йилнинг 14 июнидан 15 июлигача бўлган кунлар оралиғида бўлиб ўтади. Бу ҳақида ФИФА матбуот хизмати маълум қилди.

Шунингдек, чемпионат ўйинларини қабул қиладиган шаҳар ва ўйингоҳлар ҳам тасдиқланган. Унга кўра, турнир ўйинлари Россиянинг Москва, Калининград, Санкт-Петербург, Волгоград, Қозон, Нижний Новгород, Самара, Саранск, Ростов, Сочи ва Екатеринбург шаҳарларидаги 12 та стадионда ўтказилади.

Бундан ташқари, Россияда ЖЧ-2018дан бир йил олдин, 2017 йилнинг 17 июнидан 2 июлигача бўлган вақт оралиғида Конфедерациялар Кубоги ўйинлари ҳам бўлиб ўтади. Конфедерациялар Кубоги учрашувлари учун эса Москва, Санкт-Петербург, Сочи ва Ростов шаҳарларидаги майдонлар тайёрланмоқда.