Австралиянинг "The Sydney Morning Herald" нашри бугун чоп этган мақолаларидан бирида бир неча кундан сўнг ушбу мамлакатда старт оладиган Осиё кубоги ҳақида фикрлар билдирилган.
Нашрнинг фикрича, мусобақанинг беш нафар юлдуз ўйинчилари қуйидагилардир:
Ашкан Дежага (Эрон)
Ҳалфан Иброҳим (Қатар)
Сон Ҳёнг Мин (Жанубий Корея)
Кейсуке Хонда (Япония)
Умар Абдулраҳмон (БАА)
Сидней нашри, шунингдек, гуруҳ босқичининг энг эътиборли ва кўриш шарт бўлган ўйинлари бешлигини ҳам санаб ўтади:
16 январь: Ироқ - Япония
17 январь: Австралия - Жанубий Корея
18 январь: Хитой - Шимолий Корея
18 январь: Ўзбекистон - Саудия Арабистони
19 январь: Эрон - БАА
Мақола муаллифи, футбол шарҳловчиси Себастиан Ҳассет Ўзбекистон - Саудия Арабистони учрашувига алоҳида тўхталар экан, жумладан шундай ёзади:
"Ўзбеклар тўрт йил олдин ярим финалга қадар етиб боргандилар, саудияликлар эса бундан тўрт йил аввалроқ финалга чиқишган. Осиёнинг ушбу икки қудратли миллати жамоаларига охирги вақтларда потенциал чемпионлар сифатида қаралмайди. Баъзи букмекерлар ҳатто Саудия Арабистонининг ушбу ўйинда зарбалар нисбати бўйича 30-1 коэффициент билан ортда қолишини тахмин қилишган, бу эса минтақанинг энг кучли футбол мамлакатларидан бири бўлган Саудия Арабистони учун ярашмайдиган ҳолатдир. Ўз навбатида ўзбекларни ҳам ҳисобдан чиқариш ярамайди: улар сараланган ёш авлод билан ташриф буюрганлар. Жамоа ўзининг охирги 6 ўйинидан 5тасида ғалаба қозонган бўлиб, айниқса, БААнинг Дубайда 4:0 ҳисобида тор-мор этилгани эътиборга лойиқ. Бу эса бетакрор Максим Шацкихдан кейин ҳам жамоада "ҳаёт давом этаётгани"га исботдир".