"Челси" ҳужумчиси Диего Коста Англия лига кубоги 1/2 финалида "Ливерпуль"га қарши учрашувдан сўнг ўзининг уч ўйинга дискавалификация қилинганига муносабатини билдирди.
Учрашувда испаниялик футболчи рақиб ҳимоячиси Эмре Жаннинг оёқларини босиб ўтиб кетган эди.
"Ўша кунги воқеа ҳақида гапирсам, уйга келдим ва ҳеч қандай ёмон иш қилдим деб ўйламай, ухладим. Буни атайлаб қилмадим. Буни видеода кўришингиз мумкин. Аммо мен жазоландим ва уни қабул қилишга мажбурман. Албатта, яқин ўйинларда жамоамга ёрдам бера олмаслигимдан хафаман. Аммо мен қарорни қабул қилишим ва ҳурмат қилишим керак.
Кўриб турибсиз, фаришта эмасман. Мен ҳар ўйинда шундай ўйнайман, бу менинг ўйин услубим. Мен буни оиламни боқиш учун қилишим керак. Бу менинг ноним, "Челси"га алоқадор ҳамма учун, мухлислар учун бу ишни бажаришим керак", - дейди Коста.