"Бунёдкор"нинг Анталиядаги йиғинининг сўнгги кунида ҳимоячи Акмал Шораҳмедов клуб матбуот хизмати учун қисқача интервью берди.
- Назорат ўйинлари айни пайтда бизга жуда ҳам зарур эди. Чунки 17 февралдаги рақибимиз оддий жамоа эмас. Тайёргарлигимизнинг сўнгги босқичи Тошкентда бўлади. Ўйлайманки, 17 февраль куни оптимал формада бўламиз.
Йиғин давомида мураббийларимиз турли хил тактик схемаларни синовдан ўтказиб олишди ва турли таркибни синаб текширишди. Ўйин жуда ҳам ҳужумкор руҳда ўтди. Биз яратилган вазиятларнинг бирини голга айлантирдик ва ғалаба қозондик. Хитой клубларига қарши доимо қийин бўлган. Чунки улар жуда тартибли футбол намойиш этишади.
