Янги Зеландияда бўлиб ўтадиган U-20 ёшлар ўртасидаги Жаҳон чемпионати финал босқичига қуръа ташлаш маросими 10 февраль куни Янги Зеландиянинг Окленд шаҳрида бўлиб ўтади.

Таъкидлаш лозим, эртага бўлиб ўтадиган қуръа ташлаш маросимида Ўзбекистон вакиллари ҳам иштирок этишади. Ўзбекистон U-20 терма жамоаси делегацияси кеча Янги Зеландия пойтахти Окленд шаҳрига жўнаб кетган.

Эслатиб ўтамиз, Равшан Ҳайдаров бош мураббийлигидаги Ўзбекистон U-20 ёшлар терма жамоаси ўтган йили Мьанмада бўлиб ўтган Осиё чемпионатида кучли тўртликка кириб Жаҳон чемпионати йўлланмасини қўлга киритган эди.

Маълумот учун, 8 февраль куни КОНМЕБОЛда ҳам ёшлар ўртасидаги қитъа чемпионати баҳслари якунига етди ва унга кўра Жаҳон чемпионатига йўлланмани қўлга киритган яна тўрт терма жамоанинг номи маълум бўлди. Унга кўра, КОНМЕБОЛ минтақасидан Аргентина, Бразилия, Колумбия ҳамда Уругвай терма жамоалари Янги Зеландиядаги Жаҳон чемпионати йўлланмасини қўлга киритишган.

Шу тариқа, айни дамга келиб Жаҳон чемпионатида иштирок этадиган 24 жамоадан 20та терма жамоанинг номи маълум бўлди. Ҳозирча Жаҳон чемпионатида иштирок этадиган Африка қитъаси жамоалари ноъмалум, боиси ёшлар ўртасида Африка қитъаси чемпионати 8-22 март кунлари ўтказилади.