“Флорентино Перес унвонларга жуда ўч бўлгани туфайли, Анчелоттининг Мадрид учун анчадан бери кутилаётган “Десима”ни (“Реал”нинг ўнинчи бор Чемпионлар лигаси ғолиби бўлгани назарда тутилмоқда) қўлга киритишга асосий сабабчи бўлганини унутиб юборган кўринади”, дейилади El Chiringuito нашрида.

Испания примеросининг 24-турида “Реал” ўзининг асосий рақибларидан бири “Атлетико”га йирик ҳисобда ютқазиб қўйди. Ундан олдинроқ Анчелотти жамоаси “матрасчилар”га Испания Кубогида ҳам имкониятни бой берган эди.

“Перес жуда бамайлихотир кўринади. Мен ҳеч қачон уни бундай вазиятда бундай вазмин ҳолда кўрмаганман. Лекин мен шуни биламанки, агар Анчелотти бу мавсумда бирорта ҳам унвонни қўлга кирита олмаса, унда Перес уни шак-шубҳасиз бўшатиб юборади” дейди El Chiringuito нашри журналисти Эдуардо Инду.

Маълумот учун, “Реал” Испания примеросида биринчи ўринда кетмоқда, бироқ Испания Кубогини тарк этди ҳамда Испания Суперкубогида “Атлетико”га имкониятни бой бериб, иккита турнирни тарк этиб бўлди. Жамоа Чемпионлар лигасининг нимчорак босқичига чиққан ва бу босқичда “Шальке 04” жамоаси билан 18 февралдан 19 февралга ўтар кечаси 00:45 да плей-оффнинг илк учрашувини ўтказади.