Кеча Испания кубогининг ярим финал босқичидан ўрин олган "Барселона" ва "Вильярреал" жамоалари ўртасидаги дастлабки ўйин бўлиб ўтди.
Ўйиннинг иккинчи бўлимида (ҳисоб 3:1 бўлиб турганида) Месси ўзи ишлаган пенальтини Неймарга беришга қарор қилди. Хабарингиз бор, "Барса"нинг барча пенальтиларини Месси амалга ошириб келади. Неймар эса 11 метрли жарима зарбасидан гол ура олмади. "Вильярреал" дарвозабони Асенхо зарбани қайтарди.
Сўнгги марта 2010 йилда Месси пенальти тепиш имкониятини бошқа жамоадошига берган экан. Ўшанда Лионель "кўк-анорранглилар" ҳужумчиси Иброҳимовичга бундай имкониятни тақдим этганди.
