«Реал» бош мураббийи Карло Анчелотти «Депортиво»га қарши ўйиндан кейин (2:0) ўз фикрлари билан ўртоқлашди.

«Мухлисларнинг менга ва жамоага нисбатан хуштакбозлик қилаётгани — нормал ҳолат. Дербида 0:4 ҳисобида ютқазиш ҳамиша ёқимсиз. Мухлисларимиз учун бу ўйинда ғалаба қозонишга мажбур эканимизни билардик. Ўйинимиз ўхшамаётганда қўллаб-қувватлаш қийин. Мухлисларга миннатдорчилик билдирамиз.

Ўйин осон бўлмади. Ўйиннинг фақат маълум қисмида биз яхши ҳаракат қилдик. Қийинчиликлар бўлди. Мураккаб ўтган ҳафтани ғалаба билан якунлай олдик. Мухлислар қийин вазиятни босиб ўтганимизни тушунишди ва бизга ёрдам беришди. Улар бизга дербидаги мағлубиятни унутишга ёрдам беришди.

«Криштиану гол урмади, аммо ўйин давомида хавфли вазиятларни яратди. Ҳужумларга яхши қўшилди ва аниқ паслар берди. У ҳар бир ўйинда гол уриши шарт эмас.», – дейди Анчелотти.