«Реал» ярим ҳимоячиси Гарет Бэйл Испания чемпионатининг 23-тури доирасида «Депортиво»га қарши ўтказилган ўйин (2:0) борасида ўз фикрларини билдириб ўтди.
«Мадрид дербисидаги мағлубиятга нисбатан жамоа яхши жавоб қайтара олди. Уч очко жуда муҳим. Сабаби бу орқали биз мусобақа жадвалида биринчи ўринда қолишда давом этамиз.
Гол ура олмаган бўлсамда, ўз ўйинимдан қониқдим. Менга гол уриш ёқади, аммо асосийси — жамоанинг ғалабаси.
Чемпионлар лигасида яна ўз иштирокимизни бошлаётганимиздан хурсандман. Ушбу мусобақани сабрсизлик билан кутгандик», – дейди Бэйл.
