«Барселона»нинг собиқ спорт директори Андони Субисарретага ёрдам берган Альберт Валентин клуб муаммолари ҳақида гапириб ўтди.

«Клубнинг асосий муаммоси шундаки, у ерда ҳар доим ҳокимият учун кураш кечади. Муаммоли вазиятларни эса асосан спорт директори ҳал қилар эди.

Шу сабабли ҳам муаммо юзага келгани ҳамоно ҳамма спорт директорига қарайди. Субисаррета ҳар доим тўғри қарор қабул қиларди. Аммо охир-оқибат у ҳам чарчади»,-деди Валентин.

Эслатиб ўтамиз, Андони Субисаррета мавсум давомида истеъфога чиқарилганди. Клуб раҳбарияти у амалга оширган трансферлардан норози бўлгани айтилмоқда.