“Барселона” ҳужумчиси Лионель Месси Испания Примеросининг 23-туридаги “Леванте” (5:0) билан ўйинда хет-трик муаллифига айланди.
Шундай қилиб, Аргентина термасининг 27 ёшли ўйинчиси Испания чемпионатидаги 23-хет-тригини расмийлаштирди ва у “Реал” форварди Криштиану Роналдунинг рекордини такрорлади. 22тадан хет-трикка Альфредо Ди Стефано ва Тельмо Сарра эришишган, деб хабар беради sports.ru.
Бундан ташқари, Месси испан клуби таркибида барча турнирларда хет-трик қилиш бўйича Тельмо Сарранинг рекордини такрорлади. Энди Мессининг “Барселона” таркибида киритган умумий хет-триклари сони 31тага етди.
