"Барселона" бош мураббийи Луис Энрике Испания чемпионатининг 23-тури доирасида "Леванте"га қарши ўйин (5:0) борасида ўз фикрларини билдириб ўтди.
«Катта ротация — бу режанинг бир қисми. Ихтиёримизда ўйинчилар кўплигини бугунги ўйин кўрсатиб берди. Жамоанинг ўйинидан қониқиш ҳосил қилдим. Лекин биринчи бўлимда ўйинимиз яхши чиқмади, иккинчи бўлимни эса яхши ўтказдик. Бу ғалаба бизни янада кучли қилади.
Педро ҳеч қачон менинг ҳафсаламни пир қилмайди. У "Барселона"нинг муҳим ўйинчиси эди ва шундай бўлиб қолади. Унга кўпроқ ўйин амалиётини бериш имкониятига кўпроқ эга бўлишни истардим», – дейди Луис Энрике.
