Италия бош вазирининг давлат котиби Грациано Дельрио мамлакат жамоаларида қора танли болаларнинг кўпайиб қолгани ҳақида сўзлари учун таниқли мутахассис Арриго Саккини танқид қилди.
"Италия 30 йил аввалгидай эмас. Ҳозирда ота-онаси чет эллик бўлганига қрамай шу ерда туғилиб, Италия фуқароси ҳисобланган болалар бор. Улар бизнинг мактабларда ўқиётган ва футбол майдонларимизда ўйнаётган ёш авлоднинг бир қисмидир.
Инсон танасининг ранги - ёш авлод тарбияси системасида ўзгартириш киритиш учун сабаб бўла олмайди", - дейди Дельрио.
Аввалроқ, Сакки ҳам ўзининг сўзлари нотўғри талқин қилинганини айтиб ўтган эди.
