Серхио Бускетсни ҳарид қилмоқчи бўлган клуб “Барселона” ғазнасига 175 миллион евро ўтказиб бериши керак бўлади. “Барселона” раҳбарияти яқин кунларда ярим ҳимоячи билан кўп йиллик шартнома имзолайди ва келишувда айнан мана шу сумма қайд этилади.
Исталган жамоа ярим ҳимоячини 175 миллион евро тўлаб, сотиб олиши мумкин. Бир муддат аввал “Барселона” Бускетс билан амалдаги шартномани 2019 йилгача узайтириш бўйича келишиб олганди.
Янги келишувга кўра, Серхио “Барселона”да Месси, Хави ва Иньестадан сўнг энг кўп маош оладиган тўртинчи футболчига айланади. Унинг маоши йилига 10 миллион евро миқдорида белгиланади.
