“Барселона” ҳужумчиси Лионель Месси майдонда ўз даражасида тўп суриш учун ҳозир аввалгидан ҳам кўпроқ ишлашга тўғри келаётганини таъкидлади. 

“Мен ўзимни жуда яхши ҳис қиляпман ва жамоага ёрдам беришда давом этишни хоҳлайман. Аммо танам юкламаларни сезмайдиган 17, 18, 19, 20 ёки 21 ёшда эмасман. Сен улғайганинг сари буни яққолроқ сеза бошлар экансан. 

Эндиликда мен ўзимга, айниқса, овқатланиш тартибига кўпроқ эътибор қаратишга интиляпман. Мен футбол ўйнашни бошлаган вақтимга нисбатан анча ўзгардим”, - дея championat.com “Барселона” расмий сайтига таяниб Месси фикрларини келтиради.