“Манчестер Юнайтед” бош мураббийи Луи ван Гал Англия чемпионатининг 26-туридаги ўйин олдидан “қизил иблислар” ниҳоят унинг фалсафасини тушуниб етишганини айтиб ўтди.

– Агар сўнгги 19-20 ўйиннинг натижасига қарасак, биз лиганинг энг яхши жамоаси бўлиб чиқамиз, – деб The Mirror нашрига таяниб “СЭ” ван Галнинг сўзларидан келтиради. – Ҳар бир ўйинчи менинг фалсафамни тушуниб етганига аминман. Барча менинг ғояларимни майдонда амалга оширишни хоҳламоқда, буни жамоанинг кўрсатаётган қойилмақом тайёргарлигидан кўриш пайқаш мумкин.

Мен ўйинлардан кейин тез-тез футболчиларга биз янада яхшироқ ўйнашимиз мумкинлигини айтаман. Лекин мен биз ўйинларнинг 60-70 дақиқасини яхши даражада ўтказганимизни, эндиги вазифамиз – бу ишни бутун ўйин давомида қилиш эканлигини айтганман. Ҳа, бизнинг ўсишимиз керак бўлган тоомнларимиз бор, аммо муҳими жамоа ғалаба қозонмоқда ва натижалар анча барқарор бўла бошлади.