Ушбу турда эса бир қатор кутилмаган натижалар қайд этилди дейиш мумкин. Жумладан, чемпионат пешқадами "Челси" кутилмаганда ўз уйида Бернлини енга олмади.

Ўйиннинг 14-дақиқасида Бранислав Иванович ҳисобни очди. Ўйиннинг иккинчи бўлимида Жозе Моуриньо жамоасидан омад юз ўгирди. Дастлаб 70-дақиқада Матич рақибига нисбатан қўпол ўйнагани учун майдондан четлатилган бўлса, ўйиннинг 81-дақиқасида "Бернли" футболчилари Куртуа дарвозасини ишғол қилишди - 1:1. Ушбу ҳисоб ўйин якунигача ўзгармади ва "Челси" муҳим очколарни қўлдан бой берди.

АПЛ, 26-тур.
"Челси" – "Бернли"  1:1
Голлар: 1:0 – 14 Иванович,  1:1 – 81 Ми.
"Челси": Куртуа, Иванович, Зума, Терри, Филипе Луис (Дрогба, 86), Матич, Фабрегас, Оскар (Рамирес, 72), Куадрадо (Виллиан, 63), Азар, Диего Коста.
"Бернли": Хитон, Шекелл, Ми, Триппьер, Кин, Арфилд, Джонс, Кайтли (Воукс, 79), Бойд, Барнс, Ингз.
Четлатиш: Матич (70).