«Барселона» бош мураббийи Луис Энрике Испания чемпионатининг 24-тури доирасида «Малага»га қарши ўйиндан (0:1) кейин ўз фикрларини билдириб ўтди.

«Биринчи бўлимда нисбатан яхши ўйнадик, танаффусдан кейин эса бизга баланс етишмади. Ўйинни назорат қила олмадик, марказ орқали ҳаддан ташқари кўп ўйнадик. Умид қиламан, бу шунчаки бахтсиз тасодиф. Биз буни бир неча ҳафтадан кейин билиб оламиз.

Алвеснинг хатоси? Хатони бутун жамоа қилди, биринчи навбатда мураббий. алоҳида шахсларни кўрсатиш шарт эмас.

Биз «Малага» билан ўйинларда 5 очко йўқотдик. Кўрамиз, бу ҳал қилувчи аҳамиятга эга бўлармикин. Келажакни олдиндан айтиб бера олмайман. Барчадан кўп очко жамғарган жамоа чемпион бўлади», – дейди Луис Энрике.