Испания чемпионатининг 24-турида "Эльче"га қарши сафардаги учрашув "Реал" бош мураббийи Карло Анчелотти учун мадрид клубидаги юзинчи учрашув бўлади.
Анчелотти "Реал" билан 99 учрашувда 77 ғалабага эришган (77,7 %), унинг футболчилари 270 гол уришган. Жозе Моуриньо эса мадридликлар билан биринчи 100 учрашувида 77 ғалабага эришган ва унинг шогирдлари 274 гол уришган.
Таъкидлаш жоиз, "Реал" Анчелотти фаолиятидаги юзтадан кўп ўйин ўтказган тўртинчи клуб бўлди. Италиялик мутахассис "Челси"даги дастлабки 100 учрашувида 62 ғалабага эришган, "Ювентус"да - 52, "Милан"да эса - 49.