“Барселона” ҳимоячиси Жорди Альба ҳисоблашича, Испания чемпионатининг “Малага”га (0:1) қарши ўйиндаги мағлубият жамоанинг ўзига бўлган ишончини йўқотмайди. Унинг сўзларига қараганда, бу мағлубиятда айнан кимнидир айблаш шарт эмас.

“Биз ютқазар эканмиз, бунга барчамиз айбдормиз. Бошимизни кўтариб, бирдамликни йўқотмаслигимиз керак. Ушбу мағлубият ўзимизга бўлган ишончни йўқотмайди деб ўйлайман. Бу муваффақиятсизлик “Манчестер Сити” билан ўйинда баҳона бўлмаслиги керак. 

“Малага” ҳимояга ётиб олди, унинг ўйинчилари сифати эса керакли ҳисобни ушлаб туришга ёрдам берди. Рақиб сифатли ўйнади ва уларни фақатгина табришлашимиз мумкин”, – деб “СЭ” AS нашрига таяниб Альба сўзларидан келтиради.