Ўзбекистон футбол федерацияси президенти Мираброр Усмонов Марказий Осиё футбол уюшмаси (Central Asian Football Association) га президент этиб тайинланди.

2015 йилнинг 9 январида Австралиянинг Мельбурн шаҳрида бўлиб ўтган Осиё Футбол Конфедерацияси (ОФК) нинг навбатдан ташқари Конгессида ташкилот уставига ўзгартиришлар киритилган эди. Унга кўра ОФК аъзо 47 та футбол федерациялари 5 та (бунгача 4 та) географик минтақага бўлиниши белгилаб қўйилган ва янги Марказий Осиё минтақасини ташкил қилиш Конресс аъзолари томонидан маъқулланган эди.

ОФКнинг ушбу ислоҳотлари доирасида Марказий Осиё минтақаси футбол федерацияларининг мутасадди шахслари Қувайтда йиғилиб, Марказий Осиё футбол уюшмасининг қароргоҳини Тошкент шаҳрида ташкил қилишга келишиб олдилар.

ОФК уставига киритилган янги ўзгартиришларга кўра, эндиликда, Марказий Осиё минтақаси учун ташкилот Ижроия Қўмитасидан 3 та жой ажратилади.

ОФК Уставининг 7-моддасидан кўчирма:

ОФК аъзо 47 та футбол федерациялари 5 та географик зонага бўлинади:

Ғарб: Баҳрайн, Ироқ, Иордания, Қувайт, Ливан, Уммон, Фаластин, Қатар, Саудия Арабистони, Сурия, БАА, Яман – жами 12 та

Жануб: Бангладеш, Бутан, Ҳиндистон, Мальдив ороллари, Непал, Покистон, Шри Ланка – жами 7 та

Марказий: Афғонистон, Эрон, Қирғизистон, Тожикистон, Туркманистон, ЎЗБЕКИСТОН – жами 6 та

АСЕАН: Австралия, Бруней, Камбоджа, Шарқий Тимор, Индонезия, Лаос, Малайзия, Мьянма, Филиппин ороллари, Сингапур, Таиланд, Вьетнам – жами 12 та

Шарқ: Хитой, Хитой Тайпейи, Шимолий Корея, Гуам, Гонконг, Япония, Корея, Макао, Монголия, Шимолий Мариана ороллари – жами 10 та