«Реал» бош мураббийи Карло Анчелотти Ла лиганинг 24-тури доирасида «Эльче»га қарши бўлиб ўтган ўйин (2:0) борасида ўз фикрларини билдириб ўтди. Бу ўйин Анчелотти учун "Мадрид"даги юзинчи ўйин бўлди.
«Мен Хесени аввалроқ туширишни режалаштиргандим, бироқ сўнгги дақиқагача тўп ўйинда бўлди.
Менинг бошқарувимдаги дастлабки 100та ўйинда "Реал" яхши ўйнади. Кейинги 100та ўйинда ҳам яхши ўйнаймиз, деб умид қиламан. Ишга бўлган бундай муносабат билан биз кўп ўйинларда ғалаба қозонамиз. Биз бугун юқори концентрацияни ушлаб турдик ва кўп меҳнат қилдик. «Атлетико» қарши дербидан кейин (0:4) биз бутун жамоа бўлиб ҳимояланишга ўтдик ва ҳимоядаги ўйинни кучайтардик.
«Эльче» бунгача яхши ўйин кўрсатиб келаётганди лекин бугун уларга имконият бермадик. Ғалабамизга бир сония бўлса-да шубҳа қилмадим.
«Барселона»нинг мағлубияти барча учун сюрприз бўлди. Энди бизда устунлик бор, лекин чемпионлик тасдири сўнгги турларда ҳал бўлади», – дейди Анчелотти.