"Сампдория" президенти Массимо Ферреро "Палермо" президенти Дзампарини уни ўлдиришга таҳдид қилганини маълум қилди.

"Дзампарини мени ҳақорат қилди, мени ўлдиришини айтди. У қуюшқондан чиқиб кетди.

Мен уч ойга дисквалификация қилинган эдим (Ферреро "Интер" президенти Эрик Тохирни филиппинлик деб атаган эди) ва одил суд бунга эътибор беради деб умид қиламан. Дзампирининг қилиқлари бўғзимга келди.

У пиар қилмоқда. Ҳақоратни бас қилсин! Мен унга қўнғироқ қилиб, Баррето ҳақида сўраган эдим, у эса мени ўлдириши айтди.

Дзампарини аввал ўз ишига қарсин, у ҳам кўп ўйинчиларни жентельменларга хос бўлмаган йўллар билан олиб қўйган.

Мен унга қўнғироқ қилиб, Баррето бўйича музокара бошлашимизни сўрадим. Аммо мен кексаларни ҳурмат қиламан, шунинг учун "Палермо" президенти хотиржам бўлаверсин.

Ўзини аҳмоқона тутадиганлардан бошқа барча президентлар билан яхши муносабатдаман. Дзампарини миясини йўқотмоқда", - дейди Ферреро.

(Фотода Дзампарини)