“Реал” ҳимоячиси Серхио Рамос айтишича, мадридликларнинг амалдаги устози Карло Анчелотти – унинг энг яхши мураббийларидан бири. Испаннинг сўзларига қараганда, мутахассис ўз ўйинчиларининг муаммоларини сеза олади.

“Анчелотти ўйинчилар билан гаплашади, муаммоларни кетма-кет ҳотиржам ҳал қилади. Профессионал ва шахсий саволлар ҳам шулар жумласидан. Бу мақсадга етакловчи асосий калит, шунинг учун у буюк мураббий. 

Бундан ташқари, Луис Арагонес ва Хоакин Капаррос менга ҳеч ким ишонмаган вақтда ҳам ишонишган. Менинг мураббийларим ажойиб бўлишган. Аммо Анчелотти кучли учликка киради”, – деб ФИФА расмий сайти Рамос сўзларидан келтиради.