"Арсенал" устози Арсен Венгер "КПР" билан ўйиндан (2:1) сўнг ўз фикрларини билдириб ўтди.
"Бизда уч-тўртта тўп киритиш учун яхши имконият юзага келди. "КПР" катта куч билан олдинга ташланди, аммо биз сабр билан бу вазиятдан чиқиб кетишга интилдик. Учрашувнинг дастлабки 25 дақиқасида рақиб бизга ўйин ташкил қилишга умуман имкон бермади.
Аммо танаффусдан кейин биз ўйин назоратини ўз қўлимизга олдик. Ҳисоб 2:1 эканида вазият жуда қалтис эди. Чунки биз учинчи голимизни уролмадик, рақибнинг олдинги чизиғида эса исталган нуқтадан тўп киритишга қодир бўлган Чарли Остин ҳаракат қилаётганди. У чемпионатдаги энг кучли зарбага эга бўлган футболчилардан бири. Аммо умумий олиб қараганда биз тўпга кўпроқ эгалик қилдик", - дея sport-express.ru Венгер фикрларини келтиради.
