Хабар берганимиздек, шу кунларда Қатар пойтахти Доҳа шаҳрида таэквондо (WTF) бўйича нуфузли турнир давом этмоқда. “Qatar Open” мусобақасида Ўзбекистон терма жамоаси ҳам тўлиқ таркибда иштирок этяпти.
Бизнинг вақт билан кеча тунда терма жамоамиз етакчиларидан бири Никита Рафалович 74 кг вазн тоифасида ўтказилган баҳсларда олтин медални қўлга киритди. У ҳал қилувчи финал баҳсида франциялик Торанн Майзеройни мағлубиятга учратди.
Терма жамоамиз ҳисобига яна бир медални Дмитрий Шокин тақдим этди. +87 кг вазн тоифасида даянга чиққан Шокин бронза медали билан тақдирланди. Бир кун аввал терма жамоа сардори Инчеондаги Осиё ўйинлари ғолиби, ўз вазн (87 кг) тоифасида дунё рейтингида биринчи ўринда бораётган Жасур Бойқўзиев кумуш медалга сазовор бўлган эди.
Камолиддин Алимов
