"Тоттенхэм" ҳужумчиси Харри Кейн Англия Премьер-лигасининг февраль ойидаги энг яхши футболчиси деб топилди. У февраль ойида АПЛнинг 3та ўйинида майдонга тушиб, 4та гол урди ва битта голли узатмани амалга оширди.
Ушбу совринга шунингдек, Филиппе Коутиньо ("Ливерпуль"), Дами Н'Дойе ("Халл"), Месут Ўзил ("Арсенал"), Жонжо Шелви ("Суонси") ва Бен Фостер ("Вест Бромвич") футболчилари ҳам даъвогарлик қилишди.
Харри Кейн январь ойида ҳам АПЛнинг энг яхши футбочиси номини қўлга киритганди. Бунгача фақат 2 нафар ўйинчи кетма-кет 2та ойда Премьер-лиганинг энг яхши футболчиси бўлганди — Деннис Бергкамп ("Арсенал") ва Криштиану Роналду ("Манчестер Юнайтед").
"Мен бу ойда яхши формага кириб олдим. Ҳали олдинда ўйинлар кўп. Мен ўз имкониятимни кутдим, сабр қилдим ва курашга тайёр бўлдим. Ҳозир эса жамоадошларим билан бирга ўйиндан мароқ оляпман. Бизда ажойиб жамоа ва таркиб бор", - дейди Кейн.
