Kirish Ro'yxatdan o'tish
26/07 20:00 Bunyodkor - Paxtakor

Blog

Rustam Sulaymonov

Bir chimdim kulgu

Аския (Футбол пайрови)

Баҳо:
+2; -0




ТЕШАВОЙ: Ҳорманг, Болтавой! Мухлисман, дейсиз, аммо озгина шошқалоқ мухлис экансиз.Тўп дарвозанинг орқа томонидан тўрга теккан экан, ҳамма жим, сиз эса ўрнингиздан туриб кетиб хурсандчиликни бошлаворибсиз.Шунда ҳамма сизга қараб: ГЎЛ дебди. Шу сўз сизга лақаб бўлиб қолди.

БОЛТАВОЙ: Сиз ҳам шошқалоқликда мендан қолишмайсиз, Тешавой! Тўп дарвозанинг ёнидан ўтиб кетса ҳам бақирворибсиз.Шунда ёнизда турган киши секингина туртармиш: КИРМАДИ-КУ,НЕГА БАҚИРАСИЗ? деб. Лақабга келсак, сиздаям чиройли лақаб бор, одамлар сизни кўрганда: "Ана, ПАС келяпти" дейишади.

ТЕШАВОЙ: Хотинизга бераҳм бўлиб кетяпсиз, Болтавой! Далада турволиб: "Бир ярим соатда тушлик етказиб кел, бўлмаса ўзингдан кўр" дея телефонда дўқ қилган экансиз, келин бечора югуриб борса ҳам беш минутга кечикибди. Шунда ҳам сўкибсиз ""90+5 да етиб келдинг, бўлмаса УРАРДИМ" деб.

БОЛТАВОЙ: Бераҳмликда сизга етолмасам керак. Хотинизга қўл қўтарадиган одат чиқарибсиз. Маҳаллада дув-дув гап. Келин бечора ҳам ХАВФЛИ ВАЗИЯТни олдиндан сезиб, болаларингизни ЖОНЛИ ДЕВОР қилиб қўядиган бўлибди.

ТЕШАВОЙ: Сиз эса жониворларгаям бераҳмлардан экансиз. Эшагингизни ўлгудай ишлатибсиз, охири чарчаб ерга ётиб олса, қамчи билан роса ЗАРБАлабсиз СИМУЛЯЦИЯ ҚИЛМА деб.

БОЛТАВОЙ: Майли, булар ўз йўлига.Аммо сиздан яхши бизнесмен чиқмас экан, уч киши биргалашиб бизнес қилибсизлар.Фойдани бўлишга келганда шерикларингиз қочиб қолибди.ЎзингизЎЙИНДАН ТАШҚАРИ ҲОЛАТДА қолиб кетибсиз.

ТЕШАВОЙ: Сиз дарвозабон экансиз. Бир ўйинда юртимизда меҳмон бўлиб Блаттер келган экан.Сизни унга роса мақташибди, аммо ўйинда тўртта гол ўтказиб юбориб, ҳаммани уялтириб қўйибсиз. Шундан бери ҳамма сизни кўрсатиб БЛАТТЕРНИНГ ОЛДИДА ҚЎЙВОРГАН дейишади.

БОЛТАВОЙ: Сиз ҳам дарвозабон экансиз, лекин зўр дарвозабон экансиз. Бир ўйинда Миржалол сизга ҳеч гол уролмабди, тепган тўпини қайтарибсиз. Шундан бери ҳамма сизни кўрсатиб МИРЖАЛОЛНИКИНИ УШЛАГАН дейишади.

ТЕШАВОЙ: Сиз ёмон футболчи экансиз. Бир ўйинда пенальти тепсангиз устунга тегибди. Буни кўрганлар "ИШТАНГА" ҚИБ ҚЎЙДИ дейишибди.

БОЛТАВОЙ: Сиздан яхши ҳимоячи чиқмас экан, Тешавой. Турган битганинингиз автогол! Мураббий Сизни майдонга туширмай қўйибди. Нега, деб сўраганларга ЎЗИНИКИГА СОЛИБ ҚЎЙЯПТИ, дермиш.

ТЕШАВОЙ: Сиздаям худди шундай ҳолат, Болтавой. Майдонга туширмай қўйган экан, мураббийингизнинг орқасидан ялиниб юрганмишсиз ЎЙНАТИНГ, деб.

БОЛТАВОЙ: Сиз футбол журналисти экансиз. Гол бўлган пайт ҳамма хурсанд, сиз эса эгилволиб блокнотизга бир нималарни ёзяпсиз. У нима қиляпти, деб сўрашса,ёнингиздагилар: гол бўлди, ҚАЙД ҚИЛЯПТИ дейишибди.

ТЕШАВОЙ: Қўймайсиз,Болтавой! Биламан вақтингиз кам, лекин ҚЎШИБ БЕРИЛГАН ВАҚТЛАРда МЕҲМОНга келинг.

БОЛТАВОЙ: Сиз ҳам келинг, МЕЗБОНликни ўрнига қўйиб ҚИЗИЛ КАРТИШКАдан дейсизми, САРИҚ КАРТИШКАдан дейсизми, димлама қилиб бераман.


ЭСЛАТМА: Тагига чизилган сўзларда водийлик уста аскиячиларимизнинг аскиясидан фойдаландик.

Киритилган сана: 08.01.2012 17:06. Ўкилди: 12799 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.


счётчик