«Atletik» Ispaniya chempionatining 10-turida «Xetafe» ustidan yirik g‘alabaga erishdi. Uchrashuv 4:0 hisobida yakunlandi.
Basklar jamoasi birinchi bo‘limning o‘zidayoq qulay ustunlikni ta’minladi.
Mezbonlar o‘yinni faol boshlab, 17-daqiqada hisobni ochdi. Aleks Berenger vaziyatdan unumli foydalanib, to‘pni raqib darvozasiga yo‘lladi. 35-daqiqada esa Inyaki Uilyams «Atletik»ning ustunligini ikki karra oshirdi.
Ikkinchi bo‘limda ham mezbonlar hujumkorlikni susaytirmay, uchrashuv nazoratini qo‘lda saqladi. 70-daqiqada Aytor Paredes uchinchi golni kiritib, «Xetafe»ning ahvolini yanada og‘irlashtirdi. 88-daqiqada Yuri Berchiche yakuniy hisobni o‘rnatdi — 4:0.
