Kataloniyaning «Barselona» klubi avvalgi rekord o‘rnatilganidan atigi bir necha oy o‘tib, «el-klasiko» uchrashuvini o‘tkazishdan tushgan daromad bo‘yicha yangi rekord qayd etdi. Bu Madridning «Real» klubiga qarshi bahsning nafaqat sport, balki moliyaviy jihatdan ham ulkan ahamiyatga ega ekanini ko‘rsatadi.
«Kamp Nou» stadionida bo‘lib o‘tgan uchrashuv «Barselona» g‘aznasiga besh oy avvalgi rekorddan ancha ko‘p mablag‘ keltirdi.
Bunday natijaga chiptalar narxini oshirish va VIP-joylar sonini ko‘paytirish orqali erishildi. Jumladan, stadionning ikkinchi yarusida to‘rtta yangi qator qo‘shildi.
Avvalgi rekord 10 may kuni bo‘lib o‘tgan «el-klasiko»da qayd etilgan edi. O‘shanda kataloniyaliklar La Liga chempionligini ta’minlagan uchrashuvdan 16 465 731 yevro daromad olishgan.
Bu safar esa «Barselona»ning tushumi 19 105 768 yevroni tashkil etdi. Shu tariqa klub avvalgi rekordini yangiladi.
