Жума куни “Бунёдкор” футбол клубининг 10 йиллик юбилейига бағишланган “Бунёдкор” кубоги -2015” халқаро ўсмирлар турнири якунланди.
Мусобақа ўзига хос сана: 19 июнь – Бутунжаҳон болалар футболи кунида ниҳоясига етгани эътиборга лойиқ.
5-ўрин учун учрашувда Қаршининг “Насаф” жамоаси йирик 4:0 ҳисобида Тошкентнинг “Локомотив”ини мағлубиятга учратди.
Бронза медаллари учун баҳсда Наманганнинг “Навбаҳор” ва Тошкентнинг “Пахтакор” жамоалари рўбарў келишди. Муросасиз баҳсда пойтахтлик ўспиринлар зафар қучишди – 3:2.
Финалда эса “Бунёдкор” ва БЎСМ-37 вакиллари бош совринни қўлга киритишга ҳаракат қилишди. Мезбонларнинг ягона голи кубок уйда қолишига сабаб бўлди – 1:0.
Шу тариқа совринли ўринлар қуйидагича тақсимланди: 1. “Бунёдкор”, 2. БЎСМ-37, 3. “Пахтакор”.
Финал якунланганидан сўнг “Бунёдкор” стадиони бош аренасида мусобақанинг тантанали ёпилиш маросими бўлиб ўтди.
Турли номинацияларда энг яхши деб топилганларга қимматбаҳо совғалар ва дипломлар топширилди.
Энг яхшилар билан танишинг:
Энг яхши дарвозабон – Қуддус Аҳмадбеков (БЎСМ-37)
Энг яхши ҳимоячи – Беҳруз Соатов (“Насаф”)
Энг яхши ярим ҳимоячи – Эльнур Сафин (“Локомотив”)
Энг яхши ҳужумчи – Ҳожиакбар Иминжонов (“Навбаҳор”)
Энг яхши футболчи – Абдуазим Ортиқов (“Пахтакор”)
Сермаҳсул тўпурар – Рўзимуҳаммад Толибжонов (“Бунёдкор”)
Энг кичик иштирокчи – Жасур Ҳикматуллаев (“Бунёдкор”)
“Бунёдкор” тенгдоши – Абдуллоҳ Раҳматжонов (“Пахтакор”).
Совринли учликдан жой олган жамоаларга медаллар, дипломлар ва кубоклар топширилди. Мусобақада ўзини кўрсатганларни “Бунёдкор” клуби раҳбарлари ва футболчилари, футбол мактаби мураббийлари қутлашди.
Мусобақанинг тантанали ёпилиш маросимиФОТОЖАМЛАНМАси билан шу ерда танишишингиз мумкин.
