«Real» qishki tanaffusdan keyingi ilk o‘yinida «Granada»ga zarracha rahm qilgani yo‘q - 5:0. Natijada «Qirollik klubi» barcha musobaqalar doirasida mag‘lubiyatsiz seriya bo‘yicha ispan futboli rekordchilaridan biriga aylandi. Bungacha ketma-ket 39ta uchrashuvda yengilish nimaligini bilmagan «Barselona» mutlaq rekordchi bo‘lib turgandi. Kataloniyaliklar 2015 yilning oktyabridan keyingi yilning martiga qadar mag‘lubiyat ko‘chasiga kirishmagan. Demak, endi «Real» va «Barsa» bu borada «sherik». To‘g‘ri, «sherik»chilik uzoqqa cho‘zilmasligi mumkin. Zero, Zayniddin Zidan shogirdlari keyingi turda «Sevilya» maydonida mag‘lubiyatga uchramasalar, «Barselona»ni rekordchi maqomidan mahrum qilib, «sherik»likdan qutulishadi. To‘g‘ri, bu turda «Real Sosyedad» mehmoni bo‘lgan «Sevilya» 4:0 hisobida g‘alaba qozondi. O‘yinda Ben-Yederning «xet-trik»ka erishganini alohida aytish kerak. Xullas, «Sevilya»ni kayfiyati chog‘ va «Real»ning mutlaq rekordchi bo‘lishiga qarshi chiqishi tayin.
«Eybar» maydoniga safar uyushtirgan «Atletiko» ham zafar quchdi - 2:0. E’tiborli jihati, Antuan Grizmann Ispaniya chempionatida deyarli 10ta o‘yin (843 daqiqa)ga cho‘zilgan golsiz seriyasiga nihoyat, barham berdi.
«Barselona»ga kelsak, Luis Enrike shogirdlariga nimadir bo‘lyapti. Chunonchi, kataloniyaliklar hafta o‘rtasida Bilbaodan mag‘lubiyat bilan qaytishgandi. Vaholanki, «Atletik» o‘sha o‘yinning oxirgi 10 daqiqasida 9 kishi bo‘lib o‘ynadi. Chempionat doirasidagi bahsda esa «Barselona» Vilyarrealga tashrif buyurdi va zo‘rg‘a 1 ochko bilan qaytdi. Ya’ni Lionel Messi final hushtagi yangrashi arafasidagina hisobni tenglashtirdi. «Barsa» muxlislarini faqatgina argentinalikning goli chiroyli chiqqani yupatishi mumkin. Xullas, ayni paytga kelib, kataloniyaliklar «Real»dan 5 ochko orqada qolishmoqda. Boz ustiga, «Madrid» zaxirasida bitta o‘yin bor.
6 yanvar
ESPANYOL-DEPORTIVO-1:1 (0:0)
Barselona. 16347 tomoshabin.
Gollar: Moreno (63) - Borxes (59).
7 yanvar
REAL-GRANADA-5:0 (4:0)
Madrid. 71184 tomoshabin.
Gollar: Isko (12, 31), Benzema (20), Ronaldu (27), Kazemiro (58).
Real: Navas, Karvaxal, Varan, Nacho, Marselo (Koentrau, 68), Modrich, Kazemiro, Kroos (Xames Rodriges, 46), Isko (Asensio, 51), Benzema, Ronaldu.
EYBAR-ATLETIKO-0:2 (0:0)
Eybar. 5810 tomoshabin.
Gollar: Saul (54), Grizmann (74).
Atletiko: Moyya, Vrsalko (Xuan-fran, 46), Savich, Godin, Filipe Luis, Ximenes, Grizmann,
Gabi, Koke, Saul, Torres
(Gameyro, 71).
LAS-PALMAS-SPORTING-1:0 (0:0)
Las-Palmas. 21710 tomoshabin.
Gol: al Jar (55).
REAL SOSYEDAD-SEVILYA-0:4 (0:2)
San-Sebastyan. 22374 tomoshabin.
Gollar: Ben Yeder (25, 29, 83), Sarabiya (73).
Sevilya: Riko, Merkado, Parexa, Rami, Mariano, Vaskes (Sarabiya, 69), N~Zonzi, Vitolo (Kranevitter, 79), Eskudero, Nasri, Ben Yeder (Korrea, 90).
8 yanvar
Atletik-Alaves-0:0
Bilbao. 42182 tomoshabin.
Atletik: Arrisabalaga (Iraisos, 36), Elustondo, Echeyta, Lyaport, Balensiaga, Mikel Riko (San Xose, 57), Benyat, Susayeta (Inyaki Uilyams, 57), Raul Garsiya, Muniain, Aduris.
Betis-Leganes-2:0 (0:0)
Sevilya. 36328 tomoshabin.
Gollar: Ruben Kastro (51),
Pichchini (85).
Selta-Malaga-3:1 (1:0)
Vigo. 17890 tomoshabn.
Gollar: Aspas (7), Vass (60),
Fontas (73) - Vass (86-avt.).
Selta: Blanko, MalYO, Kabral, Fontas, Kastro, Vass, Radoya (Gomes, 85), Dias, Aspas, Gvidetti (Diop, 64), Bongonda (Sisto, 70).
Vilyarreal-Barselona-1:1 (0:0)
Vilyarreal. 22893 tomoshabin.
Gollar: Sansone (49) - Messi (90).
Vilyarreal: Asenxo, Musakkyo (Alvaro Gonsales, 87), Kosta, Mario Gaspar, Ruis, Soriano, Trigeros, Soriano (Rodri Ernandes, 83), Dos Santos, Sansone, Pato (Kastilyexo, 76).
Barselona: ter Shtegen, Pike, Din (Turon, 71), Buskets, Maskerano, Andre Gomesh (Denis Suares, 68), Serji Roberto, Inyesta, Messi, Luis Suares, Neymar.
Chetlatish: Kosta (90}4, V.).
--------------------------------------------
Osasuna-Valensiya o‘yini bugun bo‘lib o‘tadi.
|
T/R |
JAMOA |
O‘ |
G‘ |
D |
M |
T-N |
O |
|
1 |
REAL MADRID |
16 |
12 |
4 |
0 |
45-14 |
40 |
|
2 |
SEVILYA |
17 |
11 |
3 |
3 |
36-21 |
36 |
|
3 |
BARSELONA |
17 |
10 |
5 |
2 |
42-17 |
35 |
|
4 |
ATLETIKO |
17 |
9 |
4 |
4 |
31-14 |
31 |
|
5 |
VILYARREAL |
17 |
8 |
6 |
3 |
26-12 |
30 |
|
6 |
REAL SOSYEDAD |
17 |
9 |
2 |
6 |
28-25 |
29 |
|
7 |
ATLETIK |
17 |
8 |
3 |
6 |
22-19 |
27 |
|
8 |
LAS-PALMAS |
17 |
6 |
6 |
5 |
27-24 |
24 |
|
9 |
SELTA |
17 |
7 |
3 |
7 |
28-32 |
24 |
|
10 |
EYBAR |
17 |
6 |
5 |
6 |
22-22 |
23 |
|
11 |
ESPANYOL |
17 |
5 |
8 |
4 |
21-23 |
23 |
|
12 |
ALAVES |
17 |
5 |
7 |
5 |
15-17 |
22 |
|
13 |
BETIS |
17 |
6 |
3 |
8 |
20-29 |
21 |
|
14 |
MALAGA |
17 |
5 |
6 |
6 |
26-29 |
21 |
|
15 |
DEPORTIVO |
17 |
4 |
5 |
8 |
23-28 |
17 |
|
16 |
LEGANES |
17 |
4 |
4 |
9 |
13-29 |
16 |
|
17 |
VALENSIYA |
15 |
3 |
3 |
9 |
21-29 |
12 |
|
18 |
SPORTING |
17 |
3 |
3 |
11 |
17-34 |
12 |
|
19 |
GRANADA |
17 |
1 |
6 |
10 |
14-38 |
9 |
|
20 |
OSASUNA |
16 |
1 |
4 |
11 |
13-34 |
7 |
TO‘PURARLAR:
Messi (Barselona) - 13ta
Suares (Barselona) - 12ta
Ronaldu (Real) - 11ta...
KELGUSI O‘YINLAR:
14 yanvar (shanba)
17:00 Leganes-Atletik
20:15 Barselona-Las-Palmas
22:30 Atletiko-Betis
00:45 Deportivo-Vilyarreal
15 yanvar (yakshanba)
16:00 Valensiya-Espanyol
20:15 Selta-Alaves
22:30 Granada-Osasuna
22:30 Sporting-Eybar
00:45 Sevilya-Real
16 yanvar (dushanba)
00:45 Malaga-Real Sosyedad
O‘yindan keyingi fikrlar:
Diyego Simeone («Atletiko» bosh murabbiyi): - Raqib birinchi bo‘limda yaxshiroq ko‘rindi. Ikkinchisida esa o‘zimizga keldik va o‘yin boshidagi sur’atga tushib oldik. «Atletiko»ning o‘yini Grizmann jamoa mehnatini qanday yakunlashiga bog‘liq. Bu gap Torres va Gameyroga ham tegishli. Ammo birinchi o‘rinda baribir, jamoaviy o‘yin turadi, biz har bir to‘p uchun jang qilamiz.
Keylor Navas («Real» darvozaboni): - Cheksiz baxtiyorman. «Real»da o‘ynayotganim uchun shukr qilaman, bu azaliy orzum edi. Tinmay shug‘ullanib, «Real»dagi o‘yinlarimdan zavq olishda davom etaman. Umidvormanki, hammasi shunday kechadi. Bugun ajoyib o‘yin o‘tkazdik. Yigitlar ideal darajada harakatlanishdi. Umuman, har bir o‘yinda bor kuchimizni ishga solishimiz kerak.
Antuan Grizmann («Atletiko» hujumchisi): - Noqulay stadion, og‘ir o‘yin... Ikkinchi bo‘limda birinchisiga qaraganda, yaxshiroq ko‘rindik. «Atletiko» o‘ziga kelyapti. Mana, butun jamoa sifatida tartibli himoyalandik va gol qo‘yib yubormadik.
Xorxe Sampaoli («Sevilya» bosh murabbiyi): - Bugun «Real»ga qarshi kechgan uchrashuvning birinchi bo‘limida ko‘rsatgan noshud futbol uchun javob berdik. «Real Sosyedad» mag‘lubiyatga uchraganiga qaramay, bizning asosiy raqiblarimizdan biri bo‘lib qolaveradi. Albatta, «Sevilya»ning ikkinchi pog‘onaga ko‘tarilganidan bag‘oyat xursandman. Axir bu 3ta jamoa chempionati sifatida ta’riflanadigan La-ligada katta natija hisoblanadi. Aytishim joiz, agar himoyada shunchalik tartibli harakat qilmaganimizda, «Sosyedad» gol urish baxtiga muyassar bo‘lardi.
